ПТК

Астана қаласы әкімдігінің
«Кәсіптік-техникалық колледжі» ШЖҚ КММ

Жұмысшы мамандықтар жылын өткізудегі іс-шаралар жоспары бойынша, наурыз айының 11 - 14 аралығында атқарылған жұмыстардың есебі.

11 наурыз күні «Жұмысшы мамандықтар жылы» және «Біртұтас тәрбие» бағдарламасын жүзеге асыруда Өндірістік оқыту шеберлері мен арнайы пән оқытушыларының пәндік циклдік әдістемелік декадасының ашылуы өтті. Декаданың мақсаты білім алушылар мен оқытушылардың білім мен тәжірибені ұштастыруда тиімділік жүйесін құру, және білім алушылардың танымдық және шығармашылық қабілеттерін дамыту, жұмысшы мамандықтарының беделін насихаттау, кадрларды даярлаудың сапасын арттыру, жұмыс берушілермен ынтымақтастықты кеңейтуге, сондай-ақ білім алушылардың арнайы пәндерге деген қызығушылығын жоғарылатуға бағытталған. Декада наурыз айының 11 нен 20 дейін өтеді. https://www.instagram.com/pr oftech_college/

12 наурыз күні біздің колледжімізде Қытайдың Ганджоу провинциясындағы Чжэцзян политехникалық университетінің өкілдері қонақта болды. Университеттің оқу орталығының директоры Шэн Чжэньхуа мен оның орынбасары Тао Джиэ біздің колледждің оқу базасымен танысып, колледж директоры Римма Асымқызы Имангазиновамен кездесті. Кездесу барысында екі жақты халықаралық әріптестік орнатуға қатысты бірнеше бағыттағы келелі мәселелер талқыланды. Аталған университет Қытайдағы 80-ге жуық колледждермен тығыз байланыста жұмыс жасайды. Болашақта біздің инженерлік-педагогикалық қызметкерлерді, өндірістік оқыту шеберлерін Қытай республикасының кәсіпорындарында тәжірибеден өткізу, әдістемелік тәжірибе алмасу мәселелері кеңінен талқыланып, жүзеге асыру жолдары қарастырылды. https://www.instagram.com/pr oftech_college/

13 наурызда Кәсіптік техникалық колледж кітапханасында «Біртұтас тәрбие» бағдарламасын жүзеге асыру мақсатында «Қыз тәрбиесі – ұлт тәрбиесі» тақырыбында Қазақстан Халқы Ассамблеясы жанындағы Аналар кеңесі төрағасының орынбасары Баян Ахатаймен кездесу өтті.
Іс шараның мақсаты қыздарымызды адамгершілікке, әдептілікке, инабаттылыққа , сыпайылыққа, мәдениеттілікке,өз көзқарасын адами тұрғыдан қалыптастыру арқылы, қазақ қызына тән мейрімділікті, ізеттілікті ұғындыру. Олар бір ұлттың мақтанышы және болашақта алдарында үлкен жауапкершілік тұрғанын санасына құя отырып, білікті, білімді, жан етіп тәрбиелеу. Баян ханым қыз баланы ұқыптылыққа, тәртіптілікке, тазалыққа,үлкенді сыйлауға, достарын құрметтеуге, ортада өзін өзі қалай ұстау, достықты, таза махаббатты қастерлеу жөнінде әңгіме өрбіді. Сонымен қатар қыз балаларды өнерге, мәдениеттілікке, ұлттың құндылықтарын ұстана білуге, отбасының негізгі ұйытқысы болуға шақырды. Студент жастар осы тақырыпта өз ойларын айтып, белсенді ат салысты. https://www.instagram.com/pr oftech_college/